حوزہ نیوز ایجنسی کی رپورٹ کے مطابق، ’’قرآنی معاشرے کی تجدید عہد‘‘ کے عنوان سے یہ نورانی محفل امام حسن عسکری علیہ السلام کی مظلومانہ شہادت کی مناسبت سے اور حضرت ولی عصر ارواحنا فداہ کی امامت کے آغاز کی شب مسجد مقدس جمکران کی میزبانی میں منعقد ہو گی۔
یہ محفل جمعہ 30 مرداد / 21 اگست 2026ء کو شام 5 بجے سے مغرب کی اذان تک ملک کے ممتاز قرآنی اساتذہ، قراء اور قرآنی شعبے کے پیشہ ور افراد کی شرکت سے منعقد ہو گی۔ اس موقع پر ملک کے متعدد ممتاز قراء کلام اللہ مجید کی آیات کی تلاوت کریں گے۔
قرآنی محفل کے دیگر پروگراموں میں تواشیح، عہدنامے کی قرأئت اور مسجد جمکران کے متولی کا خطاب شامل ہے۔
اس موقع پر قرآن کریم کی بعض آیات کی تشریح و تفسیر بھی پیش کی جائے گی تاکہ یہ قرآنی اجتماع تلاوت کے ساتھ ساتھ معارف قرآن کی وضاحت اور انہیں ثقافتِ انتظار سے جوڑنے کا بھی ذریعہ بنے۔
قابل ذکر ہے کہ ’’قرآنی معاشرے کی تجدید عہد‘‘ کے عنوان سے منعقدہ یہ محفل شورایٰ عالی قرآن کے تعاون اور صوبہ قم کے قرآنی افراد کی میزبانی میں مسجد مقدس جمکران میں منعقد ہوگی اور اسے قرآن و معارف ٹی وی چینل پر براہ راست نشر بھی کیا جائے گا۔
آپ کا تبصرہ